Гүлфайрус Мәнсүрқызы Ысмайлова (1929 - 2013 жж.)

Исмаилова Гульфайрус (1929 г.)

Гүлфайрус Мәнсүрқызы Ысмайлова (15.12.1929 жылы туылған, Алматы) — қазақ кескіндемешісі, театр және кино суретшісі. Қазақ КСР-інің еңбек сіңірген өнер қайраткері (1965). 1949 жылы Алматы көркемсурет училищесін, 1965 жылы Ленинградтың И. Е. Репин атындағы кескіндеме, мүсін және сәулет өнері институтын (М. П. Бобышевтің кескіндеме класы бойынша) бітірді.

1947–1949 жылдары Қазақ консерваториясының вокальдық факультетінде оқыды.

1956–1957 жылдары Алматы көркемсурет училищесінде сабақ береді.

1971–1974 жылдары Қазақтың опера және балет театрында бас суретші. Г. Ысмайылова бірнеше опера (Бурсиловскийдің «Ер Тарғын», 1967; Мұхамеджановтың «Жұмбақ қызы», 1972; Пуччинидің «Чио-Чио-Саны», 1972), балет (Тілендиев, Манаев және Степановтың «Достық жолымен» және Великановтың «Қамар сұлуы», 1958), спектакль (Мүсіреповтың «Қозы Көрпеш-Баян сұлуы», 1958) және кинофильмдерге («Қыз Жібек», 1969–1971) декорация мен костюмдер эскиздерін жасады.

Ол- «Күләш Байсейітова Қыз Жібек рөлінде» (1962), «Ұйғыр қыздары» (1966) картиналарының, «Халық шеберлері» триптихының (1967), Шара Жиенқұлова (1958), Ш. Жандарбекова (1960–1961), Б. А. Төлегенова (1963–1964), Ә. Қастеев (1966) портреті мен көптеген натюрморттардың авторы.

1950 жылдан киноға түскен: Тыгрена («Аласталған Алитетте»), Ботакөз (осы аттас фильмде, 1957), Тана («Қыз Жібекте», 1972) т. б.

«Құрмет Белгісі» ордені және медальдармен марапатталған.

Егеменді Қазақстан (1986-...)
Тарихи тұлғалар
Гүлфайрус Мәнсүрқызы Ысмайлова (1929 - 2013 жж.)